Өлеңдер ✍️
  08.03.2022
  147

Автор: Абдрахман Асылбек

Сен мені ұғамысың?

Сен мені ұғамысың –
Мәңгілік мұратымсың.
Аңдамай әлде бір күн,
Апанға жығамысың?
Түнерсе ай қабағың,
Торлайды айнала мұң.
Сәл ғана күлімдесең,
Айдынға айналамын.
Өзіңсіз ойнамаймын,
Өзіңсіз тойламаймын.
Қасымда бірге жүрсең,
Еш нәрсе ойламаймын.
Өзіңсіз байланып тіл,
Мылқауға айналып бір,
Меңіреу мына ғалам,
Отырам ойланып құр.
Көнемін әміріңе,
Көнемін жәбіріңе.
Өзіңмен табыстырған
Ырзамын Тәңіріме.


  Абдрахман Асылбек өлеңдері Абдрахман Асылбек мәңгілік

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Тәңірге сенгенімнен ᐈ
  Туған күн тойыңа ᐈ
  Болсаңшы кешірімді ᐈ
  Сен болмасаң, кім болам? ᐈ
  Мен сені сүйіп едім, түсінбедің ᐈ

Пікір жазу