Өлеңдер ✍️

Күлші, жаным!
Тарасын өн-бойыма нұр-шуағың!
Тағдырым ашылсыншы алды тұман,
адасып мұң-сыңарым!
Күлші, жаным!
Мұң жеңген бас көтерсін сыршыл арын,
Жарығың селт еткізсін қайғы дейтінжанымның жегі болған сыншыларын.
Күлші, жаным!
Мен енді шаттануға ұмсынамын!
Нұрлана түседі өмір, сен күлгенде
Шығады ұясынан қымсына Күн.
Күлші, жаным!
Күлмесең, өмір айтып қырсық әнін,
жанымды қоятұғын жер таба алмай,
өзімнен өзім қайта тұншығамын.
Күл, жаным,
сусады күн, тақыр - дала
Шаттану керек кейде ақылға да!
Жылауық тағдырымның жалғыз емі –
Сенің бір жарқын күлкі сәтің ғана!
2007 жыл