Өлеңдер ✍️

Сабыр берші, Тәңірім, сабыр ғана,
Күйкі тірлік батып жүр қабырғама.
Үміті көп бейбақ ем,
Сандаламын,
Сарыуайым санамды сағым қамап.
Сабыр берші, Тәңірім, сабыр ғана,
Ынсабыма керегі дамыл ғана.
Сабыр бер де, ақыл бер аңқылдаған,
Жүрек төрін жайласын көңіл-қонақ.
Сабыр берші, Тәңірім, сабыр ғана,
Ойланайын бір уақ шамырқана.
Алабұртып әрнеге, адасармын,
Алтын-күміс, гауһармен жарылқама.
Сабыр берші, Тәңірім, сабыр ғана,
Басқа тілек менен Сен қабылдама.
Барар әлі алдыңа жаным қара,
Тажал тәннің мекені – қабірхана...
Әумин деші...