19.02.2022
  176

Автор: Абдрахман Асылбек

Жол басы

Бөпем алғаш тәй басып,
Тәй басқанда жай басып,
Жетекте деп жылады,
Сұрады,
Құлады,
Аяқтары айқасып.
Талаптанып тағы да,
Жағалады қабырға,
Бір сүрініп, бір тұрып,
Ұмтылып,
Бұлқынып,
Бөпем басты адымға.
Ойнамаса бола ма,
Бепем шықты қораға,
Сүрінбей де жығылмай,
Құлындай
Зырылдай,
Ұмтылады далаға.
Өмір жолы басталды,
Бетке алып асқарды,
Жүріп кетті ұмтылып.
Күн күліп,
Гүл тұнып,
Бұлт жаппасын аспанды.


  Абдрахман Асылбек тақпақтары Абдрахман Асылбек Жол бөпе

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Қолғап ᐈ
  Шындық пен өсек ᐈ
  Кітап ᐈ
  Назгүл мен Гүлназ ᐈ
  Жұмбақ өлең ᐈ

Пікір жазу