Тақпақтар ✍️

Көктем күні болғанда,
Көкек жүрді орманда.
«Кө-кек, кө-кек, кө-кек!» – деп,
Тынбады бip секектеп.
Ән салуға тиісті
Барлық құсқа тиісті:
«Мен тұрғанда орманда,
Асқан әнші болған ба?
Талантымды ұғыңдар,
Тездеп тайып тұрыңдар!»
Кеткен шығар кеткені,
Бұлбұл, бipaқ, кетпеді.
Көкектей сол кеппені
Титтей де еле етпеді.
Әуезді де ырғақты
Әсем әнін тыңдатты.
Құптағандай осы үнді,
Бар табиғат қосылды.
Қызғаныштан күйініп,
Қабағы тарс түйіліп,
«Кө-кек, кө-кек, кө-кек!» – деп,
Көкек кетті секектеп.