Өлеңдер ✍️

Ажарың ашық аспандай,
Күлгенің күннің нұрынша.
Майысып белің жас талдай,
Ойысып бері бұрылсаң.
Жүректі лүпіл қақтырып
Қояды назың, өкпең бір.
Сезімің əлі пəк, тұнық,
Таңдағы шықтай мөп-мөлдір.
Қараған шақта қас керіп,
Жанарың ыстық жаздайын.
Кетердей тіпті тас та еріп,
Құшаққа құлай жаздаймын.
Бұрымың сенің толқынды,
Бұралып аққан бұлақтай.
Тағайын жырдан шолпыңды,
Жараса кетсін құрақтай.
 Өлеңім – жалғыз байлығым,
Қалам ба сенен барды аяп?
Бəрінен бұрын, уай, күнім,
Көңілім таза қардай ақ!