Өлеңдер ✍️

Сөздерім табан астында тапталуы үшін де,
Айыбымды өтеп, арымның ақталуы үшін де,
Көңілді талай жылаттым.

Ойымнан кетпей, басыма сор болуың үшін бе?
Қайғы жұқтырып, алдыңда қор болуым үшін бе?
Не үшін сені ұнаттым...

Күлімдеп көктен қанқызыл күн шығуы үшін де,

Сезімдер іште құмығып, тұншығуы үшін де,
Жанымды тілдім, неше мың?..

Әр атқан таңым сыйлаған бақыт үшін бе?
Тоналған жылдар, өртелген уақыт үшін бе?
Кім үшін ғұмыр кешемін...