Өлеңдер ✍️
  04.01.2022
  147

Автор: Айнұр Төлеу

Кімсің?

Сен өзі кімсің осы,
адамбысың?
Шарлайсың ба,
шынымен ғалам ішін?
Мен секілді сағынып бәз біреуді,
Бір-ақ сәтте,
жек көре аламысың?
Түсінбедім, жынсың ба,
перісің бе?
Келмей-ақ қойдық осы
келісімге.
Қу жаныңды жүрмісің
Қуыртпалап,
Сыйдыра алмай,
адамның терісіне.
Қос жанарың
арыңдай айнаң ба еді?
Кімнен тудың және де
қайдан келдің?
Мен секілді таңдарда
жаратқанға,
Жалғызсырап
алақан жайған ба едің?


  Айнұр Төлеу өлеңдері Айнұр Төлеу

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Сезім ᐈ
  Анамен сырласу ᐈ
  Кемпірқосақ ᐈ
  Аспанды аңсау ᐈ
  Тамыз-мұң ᐈ

Пікір жазу