Өлеңдер ✍️
  04.01.2022
  126

Автор: Айнұр Төлеу

Аспандағы қоштасу

Көк аспанның көкірегі гүр етті,
Аяп кеттім аспандағы жүректі.
Күркіреген күннің дауысын бір естіп,
Жердің бетін жасын қарыды,
Дір етті!
Көшеде едім,
Ал көшеден әр қашты!
Сан мың тамшы тас-тағдырмен арбасты!
Сені қайдам, су астында қалдым мен
Кезге өкпелеп кезіктірген алғашқы.
Тас көшеде тек тамшыға тұрақ бар,
Көмейіме көміледі сұрақтар.
Біз секілді аспан жақта, әнекей,
Қоштасады бұлттар – ұлы мұраттар.


  Айнұр Төлеу өлеңдері Айнұр Төлеу аспан қоштасу

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Аспан қызы ᐈ
  ҰШ, жаным ᐈ
  Қоштасу ᐈ
  Сұлу Сәуір ᐈ
  Пешене ᐈ

Пікір жазу