Құттықтау, тілектер ✍️

Жаңа жылдың жаңа күні құтты болсын,
Жан әпкешім ардағым, асылым сен.
Көңіліңнің шаттығы шайқалмасын,
Бар жақсыны тілеп жүрем жасырын мен.

Жаңа күннің сезініп арай бағын,
Қарсы алшы шаттықта арай таңын.
Бұл жаңа жыл табысты жылға айналып,
Шуағына бөлесін арайларың.

Жаздай жаның жадырап жайнасын деп,
Бұлбұл құсың бағыңда сайрасын деп.
Тілеп жүрем әпкетайым әрқашанда,
Бар жақсылық жаныңды жайласын деп.