Өлеңдер ✍️

Жомарт жанды, сымбатты, мінезге бай,
лезде бұлай емес, лезде олай.
Қоршаған айналасын өзгелерден
қарап тұрсаң түрі де, сыры өзге ұдай,
Биіктетіп, әрқашан қызықтырып,
жақсы, жаңа жайларды тізіп, біліп
орнар жанға бір қырлы, сегіз қырлы
мінезбен, сабырыңды бұзып кіріп
жігіттің төрелері сирек бүгін,
кетсе де біреулерін түйреп мұным,
айтпай-ақ қоя алмадым
кейбірінің
болғанмен сырты әсем, -
күйректігін.
Заңғардай ойы болса, бар білігі,
кем соғар біреуінің арлылығы.
Досым көп деп тапқанын талапайлап,
қаңғырып ақырында қалды бірі.
Көрсетпей әйел жаны сүймес қылық,
қоймайтын әрі-сәрі күй кештіріп
жігіттің сырттандары жібереді-ау
бәрін де ебін тауып, үйлестіріп.
Түсініп, тұрса бәрін ұғып терең,
не екенін лай менен тұнық деген,
қайраңдап қара суда қалмас ешкім,
тереңге кетпессің де сынып кемең.
Жаныңа жағатұғын сан қасиет болмаса —
ол-дағы бір қаңқа сүйек.
Бақытты әйел біткен жүреді ылғи
жігіттің сырттанына арқа сүйеп...