Өлеңдер ✍️

Көңілі тәкәппардың - шырқау биік.
Сенімі бірақ оның - мылқау күйік.
Алдына Жаратқанның ақіретте,
Бармақшы сауап емес, сылтау жиып.

***
Құдіретті Құдайым!
Қайырлы жар нәсіп ет.
Қайырсыз болса, қашық ет.
Алғанша емес әйелге,
Алғаннан соң ғашық ет!..

***
Малында буаз да көп, қысырақ көп.
Қалмаса екен жұтқа ұшырап тек...
«Тақуа» боп кеткені соншалықты,
Ойлайды садақаны «ысырап!» деп.

***
Атасың шырт түкіріп насыбайды,
Құл болып никатинге басыбайлы.
Алғанда айықпас дерт алқымыңнан,
Кім сенің үй ішіңді асырайды?