Өлеңдер ✍️

Ақ шаңдақ өмір ылғи құйындаған,
Сайысы адамдардың тиылмаған.
Көтеру халық бағын сол сайыста
Әркімнің талайына бұйырмаған.
Ал Сәке, сізге осы бұйырыпты,
Ел қамы сөз боп тілден құйылыпты.
Десіп жүр шаршы топта Колбинді сіз
Сыйғызып құбырына үйіріпті.
Колбиннің болмай шығып иі мықты
Құбыры мойынынан қиылыпты...
Басшысын өзі сайлап тәуелсіз боп,
Ел алшысынан асықты үйіріпті.
Халқыңыз қадірлеген сіздей ұлын,
Дән риза тағдырына сірә бүгін.
Көрсетті дария көңіл дарқандықпен,
Нарықтың қыспағына қыңбайтынын.
Ал, Сәке, мерейтойың құтты болсын,
Бақ дарып шаңырағыңа ортаң толсын.
Сексеннің сеңгірінен асар шақта,
Жанында Қызыр және Бағдат болсын.