Аңыздар ✍️

Бұхар ханы Абылай ханға айтты:

— Маған қызын жіберсін!

Қырық биі мен қызын жібереді: алты қанат ақ үй менен, он нарға жүк артып.

Бұхар ханы қырық биден сұрады:

— Абылай тегі асыл ма, менің тегім асыл ма? Қырық би айтты:

— Сіздің тегіңіз асыл, сіздің жеріңіз асыл, ише өзіңіз асыл. Сіздің жеріңізде етікпенен намаз оқуға жарайды.

Бұхардың ханы сұрады:

— Жолдасыңыз бар ма қасыңызда?

— Бір атшы бала бар, он үште бала, — дейді. Хан:

— Оны шақыр! — дейді.

Шақырып келді. Бұхар ханы айтты:

— Ай, балам, — дейді, — менің тегім асыл ма, Абылайдың тегі асыл ма?

Бала айтты:

— Абылай тегі асыл.

Хан:

— О, неге? — дейді. Бала айтты:

— Абылай атасы нұрдан пайда болған, садағын күнге асқан, сіздің атаңыз Қоқандық қара сирақ сарт еді.

Бұхардың ханы қырық биге сыйлап бергені жалғыз балаға бергеніне тең болды.