Әңгімелер ✍️

Бір тоқсанға келген қамқор әженің ішімдікке салынған кенже немересі болады. Ол босағада киімшең, ұсқынсыз, сең соққан балықтай болып жатқан жерінен ұшып тұрып:

— Әже, менің бойым неге дел-сал, басым неге сынып барады? — депті, өзін бір күн, бір түн күзетіп, басында отырған өлмелі әжесіне. Әжесі:

— Қарағым-ау, мен оныңды қайдан білем? Қайта, соны өзің жақсы білетін боларсын. Үйткені, үнемі «денсаулық үшін» деп ішесіңдер де, ұдайымен үш күн ауырасыңдар ғой, — депті қарт әжесі.