Әңгімелер ✍️

Елуді еңсерген Шима бәйбіше өзгелердің өзін жас деуін ұнатады екен. Бір реткі қонақасында ол қызықшы Әшім Мырзадан:

— Әшім мырза, сізше мен қанша жастамын? — деп сұрапты.

Әшім мырза Шима бәйбішенің тұрқына көз жіберіп:

— Шашыңызға қарасам, он алты жас, тісіңізге қарасам, он сегіз жас, бой тұрқыңызға қарасам, жиырма жаста сияқты көрінесіз, — депті. Мұны естіген Шима бәйбіше қуанышы қойнына симай дауысын көтере:

— Айналайын, Әшім мырза, сіз не қылған білгір едіңіз, — депті. Осы сәт Әшім мырза тағы:

— Бәйбіше, мен сөзімді айтып болайын... бері қараңыз, сіздің жас мөлшеріңіз жиырма қосу он сегіз, қосу он алты болғанда елу төрт жас болады! — депті.