Өлеңдер ✍️

Көзіңнен, айналайын, күлімдеген,
Қадірің бірге өскен соң білінбеген.

Қайырмасы:
Ахахау, арман-ай,
Ей, сәулетай,
Құмармын саған жалған-ай.

Судағы сүңгуір үйрек, қарағым-ай,
Салсам да көлге қармақ, ілінбеген.

Қайырмасы:
Ахахау, арман-ай,
Ей, сәулетай,
Құмармын саған жалған-ай.

Қамысы қызыл көлдің селдіреген,
Жүрегім сен дегенде елжіреген.

Қайырмасы:
Ахахау, арман-ай,
Ей, сәулетай,
Құмармын саған жалған-ай.

Аққудың балапаны секілдім-ай,
Көзіңнен, айналайын, мөлдіреген-ай!

Қайырмасы:
Ахахау, арман-ай,
Ей, сәулетай,
Құмармын саған жалған-ай.