13.08.2021
  227

Автор: Адырбек Сопыбеков

Көзілдірік

Көзілдірік ап келдім,
Әжем қалды қуанып.
– Сенің қалам-дәптерің,
Көрінді, – деп, – бәрі анық.

Әжем енді икемді,
Көзілдірік көзінде.
Қадап берді түймемді,
Мәз боп қалдым өзім де.

Бос отырмай күн ұзақ,
Газет оқи алады.
Инені де менсіз-ақ
Тез сабақтай салады.

Көзілдірік болды енді ем,
Көзі жақсы көреді.
Енді маған бұл әжем
Қолғап тоқып береді.


  Көзілдірік Әже көз Адырбек Сопыбеков Адырбек Сопыбеков шығармашылығы Адырбек Сопыбеков тақпақтары

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Нан иісі ᐈ
  Ұстаздарым ᐈ
  Ордасы бұл өнердің ᐈ
  Көз ᐈ
  Құдайсыздар ᐈ

Пікір жазу