Өлеңдер ✍️
  12.08.2021
  226

Автор: Ерлан Ахмет

Қасқа құлын

Атам маған ауылда
қасқа құлын сыйлады.
Қарамайды жауынға,
аулаға да сыймады.

Күндіз шауып шынығып,
түнде алатын тынымын.
Күн аймалап тұлымын,
ойнақтаған құлыным.

Жазда бардым сағынып,
өсіп кеткен тай болып.
Тағалары қағылып,
бәйгеге тұр сай болып.

Ақ тұлпарым ағынды
кең даламда көсілген.
Қасқа құлын шағыңды
шығармаймын есімнен.


  құлын ауыл тұлпар Ерлан Ахмет Ерлан Ахмет өлеңдері Ерлан Ахмет шығармашылығы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жалқау ᐈ
  Сәби–тілек ᐈ
  Құмдағы ауыл ᐈ
  Арыстанды-Қарабастың желі ᐈ
  Құдайсыздар ᐈ

Пікір жазу