Өлеңдер ✍️

Найзағайлы күрең түсте
Мейлі өзенде тұрсын дүлей.
Абай жүзген ұлы Ертіске
Кете алам ба бір сүңгімей?!
Аспанды бұлт жаба берді
Көп найзағай көзінде ойнап.
Ертіс тулап аға берді
Өз бұлттары өзінде ойнап.
Күн күркіреп ойнай берді
Жайды қызыл арай құшақ.
Мен Ертіске бойлай бердім
Бір кездегі Абайға ұсап.
Шықты шұбар күн нұрланып,
Бұрқ-сарқ қайнап өтті дүлей.
Жатты Ертіс күмбір қағып
Жырлы Абайдың көкірегіндей.