Өлеңдер ✍️

Күй көңілді Венаға
Кімдер келіп кетпеген.
Штраус, Моцартпен
Болған мұнда Ветховен.
Австрия азабын,
Сыйғызып бар күйіне.
Көріп өмір тозағын,
Кеткен олар күйіне.
Сол Венада дәл бүгін,
Аңдап басып аяғын.
Келе жатыр әлдекім,
Безілдетіп баянын.
Тынды асқақ жыр неге
Не боп қалды
Ән-күйге?
Салды апарып түрмеге
Жақпағасын янкиге.
Халыққа сол түрмеден
Келе берді аяулы үн.
Есті жел де мұңменен
Ащы үніндей баянның.
Кейде ұрып жарына,
Кейде баяу сыбырлап.
Халықтың күй қанына
Сіңе берді шымырлап.