Өлеңдер ✍️

Жолыңды тосудан жалықтым,
Менде енді үміт те өледі.
Қалың ел бәріне қанық-ты,
Жоқ бірақ көмегі.
Ақ қырау кештен де жоқ қайыр,
Тұрғаны әп-әсем расында.
Білмей ме, білер-ау, көк тәйір,
Жайымды сағыныш басынған.
Жолыңды тосудан шаршадым,
Ол жақтан жол жоқ па қайтатын?
Көліктер бармай ма қанша мың?
Көшеде босқа өлең айтатын.
Жағада тұрамын жыларман,
Шағала шырылдап зеріккен.
Даусыңды есту де бір арман,
Телефон соқпайсың неліктен?