Нақыл сөздер ✍️

Өмір мен өнер егіз, тығыз байланысты. Өмірге ілеспеген өнер өрге баспайды. Әдебиетшілеріміз өз шығармаларында бүгінгі күннің өзекті тақырыптарын көтеріп, проблемалық мәселелерді шешуге атсалыспай болмайды. Әдебиет тарихына үңілсек, оның әрдайым қоғам қозғалысына игі әсерін тигізіп, келер дәуірді күні бұрын көрсетіп отырғанын білеміз. Жазамын дегенге тақырып көп. Өмірге жіті қарап, терең толғай білуге талпынайық. Ол үшін өзімізге - өзіміз жауапты қарап, шығармаларымызды шыңдай түсейік. Олпы-солпы нәрсемен оқырманымызды ренжітпейік.