Өлеңдер ✍️
  18.06.2021
  177

Автор: Жұмағали Саин

Биік шың

Көкке бойлап тәкаппар
Жағада тұрды биік шың,
Ақпанда борап соқты қар,
Шілдеде қайнап төнді күн.
Сәуірде торлап көк тұман
Сәуледен бойын жасырды.
Сонда да тіп-тік қиядан
Мұнар боп көзге басылды.
Құтырған теңіз шу басып
Жарына соқты күндіз - түн,
Асау құз бұлтпен айқасып,
Айбатпен жанға қатпады үн.
Маңында гүлдеп бәйшешек,
Бас иді миуа ағашы.
Таласа өскен көкке өрлеп
Күн сүйді кербез шың басы.


  шың Көк Құз Жұмағали Саин Жұмағали Саин шығармашылығы Жұмағали Саин өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Сені мен мен ᐈ
  Бір ақынға ᐈ
  Киев жырларынан ᐈ
  Мен келдім ᐈ
  Сен қожа ᐈ

Пікір жазу