Өлеңдер ✍️
  15.06.2021
  274

Автор: Қасым Аманжолов

Мен табиғат бөбегі

Мен табиғат бөбегі,
Еркін жанмын еркемін;
Аузымда жастық өлеңі,
Еркелеп күйім шертемін.

Жарқ-жұрқ етіп жүруді
Нажағайдан үйренгем,
Шадыман шат боп күлуді
Күн мен айдан үйренгем.

Тәкаппарлық, ерлікті
Асқар таудан үйренгем;
Мен бір жанмын ерікті,
Жарысып желмен жүгірген.

Ашу, қайғы дегенді
Қара бұлттан үйрендім;
Өз еркімше сілтемей
Қашан ғана имендім?!


  табиғат бөбек Қасым Аманжолов Қасым Аманжолов шығармашылығы Қасым Аманжолов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Алма бағында ᐈ
  Құз ᐈ
  Әттең, жоқ қой қанатым ᐈ
  Алатау ᐈ
  Балқаш ᐈ

Пікір жазу