Өлеңдер ✍️

Өтірікті айтып-айтып шындай қылдым,
Ерітіп қара тасты ұндай қылдым.
Кеуректен төс, киізден балға қылып,
Бір ұрғаннан темірді ұндай қылдым.
Терісін сары масаның жыртпай сойып,
Кететін он бес қарын саба қылдым.
Сабаны сегіз жігіт көтере алмай,
Қылмасқа енді саба тоба қылдым.
Айттым да өтірік өлең ханға жақтым,
Қой қылып құмырсқаны құмға бақтым.
Асауын шегірткенің шертіп мініп,
Тау-тауға шығып алып түлкі қақтым.
Өлеңді айтып едім он жасымнан,
Шыбынды ерттеп мініп тойға асығам.
Қанатын көбелектің көпір қылып,
Дарияның өте шықтым турасынан.