Мақал-мәтелдер ✍️

Құр тоздырып нұрлы жүздің жылуын,

Іздей көрме көрікті қыз сұлуын.

Ей, жас жігіт, жар таңдаған біледі,

Құр сұлуды іздесең – жұрт күледі.

Әйел алсаң – төрт рудан алысты ал,

Ол болмаса – ей, азамат, қалыс қал.

Байлық қуған әйел тілі ұзарар,

Мүлік жиып, «екі көзі қызарар».

Ақылды әйел мал да жинар, өндірер,

Байып алып, өзіңе де өң кірер.

Пейілді әйел көрікті де, текті ғой:

«Әйел көркі – қылығында» депті ғой!