Өлеңдер ✍️
  30.05.2021
  132

Автор: Қадыр Мырза Әли

Тегіс жерде жығылып

Тегіс жерде жығылып,
Алып-ұшып жүремін.
Ауызыма тығылып,
Алқынады жүрегім.
Шын Әділет хақында
Сөйлеу керек қорғанбай.
Өмір үшін лапылдап
Өртенемін ормандай.
Ақ кірмеген шашына
Мұны қайдан ұғады!
Ә дегенше Басыма
Қаным ойнап шығады.
Тасып көңіл өзені,
Ұмытса қарт құдайды,
Қалайша адам төзеді,
Қалайша адам шыдайды?!
Жыр елінің баласы
Жану керек әманда.
Қалай салқын боласың
Жанып тұрған заманда?!


  тегіс заман Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Өркештер асқақтап ᐈ
  Көңіл шіркін қамығар ᐈ
  Жазираның жалғыз сәні жаздағы ᐈ
  Барар жолда ᐈ
  Сен тұрған үйдің тұрғыны ᐈ

Пікір жазу