Өлеңдер ✍️
  30.05.2021
  282

Автор: Қадыр Мырза Әли

Кім біледі не боларын түбінде

Кім біледі не боларын түбінде.
Айту қиын бәрін өлең тілінде.
Азап пенен қиындықты
Мыңқ етпей
Көтеретін болып алдым бүгінде.
Бір келер деп,
Бір келер деп түбінде,
Бақытты мен қалай күттім күнінде.
Енді шаттық-қуанышты
Бүлк етпей
Қарсы алатын болып алдым бүгінде,
Кең далада енді қанша жортамын!?
Қалған өмір — орта шаттық,
Орта мұң...
Бақытқа да,
Қайғыға да —
Бәріне
Етім өліп кете ме деп қорқамын!


  бақыт қайғы азап қиындық Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Айта алмаймын кеткен жоқ деп түгім де ᐈ
  Бірте-бірте айқындалып әжімім ᐈ
  Бармағымнан бал ағып ᐈ
  Өткенімді жатып алып ойланам ᐈ
  Ауырдың ба? ᐈ

Пікір жазу