Өлеңдер ✍️
  29.05.2021
  222

Автор: Қадыр Мырза Әли

Ғашық

Сен не дейсің?
Ағайын, ол не дейді?
Көп дүние ол үшін көлегейлі.
Сүйгенінің қасында,
Басқа түгіл,
Періштенің өзін де елемейді!
Ғашық жандар қызық қой —
Көз ілмейді.
Құдірет те,
Құдай да өзім дейді.
Құшағында тұрғанда қуаныштың
Кесіп алсаң құлағын... сезінбейді!
Ұмыттырып барлығын ғашық әні,
Інжу болып,
Маржан боп шашылады...
Көз дегенің жұмулы!
Көзі кейін
Ашылады,
О-ох, қалай ашылады!!!


  ғашық қуаныш Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Қызғаншақ келіншек ᐈ
  Шарапат ᐈ
  Әзәзіл ᐈ
  Даңғаза даңқ ᐈ
  Жалған атақ ᐈ

Пікір жазу