Өлеңдер ✍️
  18.05.2021
  177

Автор: Қадыр Мырза Әли

Тыныштық

Тып-тыныш боп тұратындай әманда,
Тыныштықты ұқпай қалдым табанда.
Табиғатта дөңбекшу жоқ,
Діріл жоқ,
Суретке бір түсетұғын адамдай

Қайран дала көпті көрген кәртамыс
Қалғып-мүлгіп,
Қалғып-мүлгіп тұр, таныс!
Жаратылыс жаратылыс болғалы
Жер бетінде болмағандай арпалыс!

Тіршіліктің бітелген бе құлқыны?
Тым-тырыс-ау,
Тым-тырыс-ау бұл түні.
Тыныштықтың құрсағында осындай
Тентек дауыл, жатырсың ба бұлқынып?!


  тыныштық табиғат дала Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Шопан ᐈ
  Дүріл мен діріл ᐈ
  Тұйық ᐈ
  Өмірдің өзі қызық-ақ ᐈ
  Шығар ᐈ

Пікір жазу