Өлеңдер ✍️

Сәлемдестім бау-бақшамен,
Көк желегін жайып тұрған.
Осы көктем емес пе еді,
Мені мұңнан айықтырған.
Тамашалап қыз – көктемді,
Еске түсті бала күнім,
Ақ парақты қайық қылған.
Санамдағы сағыныштан,
Ертегі өмір жасап алғам.
Сыртым бүтін, жаным іштен,
Бір тұйыққа тасаланғам.
Арманыма арыз айттым,
Нұрын іздеп жанарымның.
Аузыңа су тамызбайтын,
Өзі ме бұл азабымның, –
Деп ойлағам, бірақ көктем,
Ұмыттырды мұңның барын.
Көп көктеммен жырақ кеткен,
Есіме алып тұрдым бәрін.