Өлеңдер ✍️
  14.05.2021
  183

Автор: Жұмекен Нәжімеденов

Ұшқыр болсаң, қара бұлт..

Ұшқыр болсаң, қара бұлт,
Шың қабағын баспас ең!
Көк төсінде жаралып
Қалай қондың тасқа сен?

Қайсар десе сенем бе,
Ұялмайсың жылаудан.
Ірмелесің төбемде
Керуендей жүгі ауған.

Жүргізіп жел әмірін
Қойныңа енді кеуледі.
Берді-ау саған әуелден
Жүрегі жоқ кеудені!

Аттай алмай тау-қырдан
Шүйіліп кеп төнесің.
Өзің қашып дауылдан
Кімді қуып келесің?!


  бұлт шың тас Жұмекен Нәжімеденов Жұмекен Нәжімеденов шығармашылығы Жұмекен Нәжімеденов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Сыңсиды орман сағада... ᐈ
  Мінезім жеңілдеу ғой кейде менің... ᐈ
  Жанарың, қалқа, жасырды... ᐈ
  Ұғыстық... тентек жүрек көнді саған... ᐈ
  Ленин ᐈ

Пікір жазу