Өлеңдер ✍️

Ел ырысын жинасқан
Егінім мол күндері,
Сенің жаның бір дастан,
Дағыстанның гүлдері.
— Дән жинаумен ауылымда
Дос жинадың қаншама!
Біздің жақсы қауымда
Қажыма да шаршама! —
Дедік біздер. Хош алдың,
Кеттің жасап сен ерлік.
Дос құшақтан босандың,
Махаббатқа бөленіп.
Болдық бірге сайрандаса,
Елім тәтті дәмін сап.
Қолымызда қой жамбас,
Дастарқанда бауырсақ.
Жүрген жері қуаныш,
Абырой алған жарыстан,
Гүл өсірген, мың алғыс,
Саған, саған, Дағыстан.