Өлеңдер ✍️

Жағалай жазық. Тау қырман,
Сәске түс, қазір күн ашық.
Машина лек-лек ағылған,
Құшағын қырман тұр ашып.
— Жомарт, Жамал, мырза Әлім,
Аяма жүк, артсаң арт!
Жүк болып па тон жарым!» —
— Дейді шопыр Қапсамат.
— Орындалар бәрі оның,
Біз берейік көп үйіп.
Шиқ етсе ғой балоның,
Жолда қалдың шоңқиып!
— Балон жайы бас бармақ,
Уайымдама жеңешем.
Бір қағыссақ қас-қабақ
Соны да көп демес ем».
Еңбектің сәті бір думан,
Қағады кейде жыр қанат.
Таусылар емес тау қырман,
Аймаққа төне тұр қарап.