Өлеңдер ✍️

Арал шеті айнала құм,
Арал суын сол ішкен.
Қайран теңіз, қайран ағын
Тұз бен нәрін бөліскен!
Кәрі Каспий бұл бауырын
Талай ғасыр жоқтаған.
Өткізбекке ққмда күнін
Қашып барып, тоқтаған.
Қорықпайды ол құртар-ау деп,
Тартпас құмнан ақ басын.
Сабасына мың тарау кеп
Сауып құйып жатқасын.
Қос дария - су егізі
Құшағында жоғалар.
Қос бұрымды дала қызы
Секілді ғой сол Арал!
Әттең, әттең, дала біздің,
(Келмеді ме сонда ойға?)
Бір туғасын сондай қыздың
Онын тусаң болмай ма?!