Өлеңдер ✍️

Сеніңіз мейлің , сенбеңіз ,
Ғарышта емес жердеміз .
Жұмыр жер , жалпақ әлемге ,
Құлшылық үшін келгенбіз !

Алланың еткен сынағы ,
Жер деген пенде тұрағы .
Назардан ешкім , тыс қалмас ,
Жаратқан ұлы қырағы !

Сауап іс жаса , жақсылық ,
Уақытың жатыр аршылып .
Иманды адал жандарды ,
Жұмақтан етер , жаршы қып !

Жақсылық жаса жүректен ,
Ғаламды Тәңір сын еткен .
Дүние деген базарды ,
Бәріде досым күнелткен !

Сондықтан ұғын жақұтты ,
Кеш батып , таңдар атыпты .
Құлшылық жасап , өткен күн ,
Шынайы әрі бақытты !

Тәңірге жаса , мың адым ,
Қолыңды жайып сұрағын .
Қабыл боп , дұға тілектер ,
Мүбәрәк болсын - Жұма күн !