Өлеңдер ✍️

Көздедің...
көзден тұрып...
тез атпадың,
кідіріп, сонша неге созақтады -
Тұрдың ба
білейін деп, апыр-ау, сен
ішінде ібілістің не жатқанын.
Біз үшін осы болып барлық үлгің, -
алдында қанды қырғын... сәл кідірдің.
(Куәсі болып ек-ау біз де талай
қапысыз құламерген
- дәлдігіңнің!)
Түбіңе жете жаздап сол кідіріс,
ақыры,
айта жүрер болды бір іс -
(Бұл дағы
әлдекімнің есебінше
әйгілі азаматтың ерлігі-мыс!)
Түңіліп тумаласы,
ұлты боқтап,
жауынды жамандай
ма жұртың оттап.
Мақтасын,
мақтамасын,
атпағасын -
кісіге керегі не
мылтық оқтап!

26 ақпан, 2006 жыл