Өлеңдер ✍️
  01.04.2021
  1131

Автор: Абай Құнанбаев

Заман ақыр жастары

Заман ақыр жастары,
Қосылмас ешбір бастары.
Біріне бірі қастыққа
Қойнына тыққан тастары.


Саудасы – ар мен иманы,
Қайрат жоқ бойын тыйғалы.
Еңбекпен етті ауыртпай,
Құр тілменен жиғаны.


Өнімсіз іске шеп-шебер,
Майданға түспей несі өнер?
Сиырша тойса мас болып,
Өреге келіп сүйкенер.


Күлмеңдеп келер көздері,
Қалжыңбас келер өздері.
Кекектеп секек етем деп,
Шошқа туар сөздері.


  заман сауда еңбек Абай Құнанбайұлы Абай Құнанбайұлы өлеңдері Абай Құнанбайұлы шығармашылығы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Интернатта оқып жүр ᐈ
  Кім екен деп келіп ем түйе қуған ᐈ
  Кейде есер көңіл құрғырың ᐈ
  Келдік талай жерге енді ᐈ
  Күйісбайға ᐈ

Пікір жазу