Өлеңдер ✍️

Хайырлы сағат. Алашқа бірдей шатлыққа,
Сабыр етіп, сарғайып жеттік ақтыққа.
Сілік үстіңнен шабады, қазақ баласы,
Жетер енді, оянбай біраз жаттық та.

Аш ұйқыңды, ал қазақты матбуғат,
Шетке қақпа, біздің жұрт та болсын шат.
Талапкерлер майданында жарысып,
Бәйгісіне алып шықсын мағлұмят.

Бұлар келіп, халықты қара ағартсын,
Білмегендер білгіш болып тағы артсын.
Әр алуан ғылымнан алып үлесті,
Шын көңілден халқына сүйген тартсын.

Бұл хабар қуандырар елді байтақ,
Керегін матбуғаттың келген байқап,
"Серке" . . . . . . . . . . . . . . . . . . . . . .
Жасасын ғұмырлы боп енді «Айқап».