Өлеңдер ✍️
Өлеңдер ✍️
30.12.2024
311
ЖАҢА 2025-ші ЖЫЛҒА ТІЛЕК!!
Жаңа жыл, келіп қалды дүрілдеген,
Қуанып бар ағайын күлімдеген.
Құттықтап бір бірлерін мәз жатыр,
Қабағынан реніштер білінбеген.
Болсын солай жоғары көңілдері,
Ұзағынан болсыншы өмірлері.
Жылан жылы қуаныш молынан боп,
Ақталсын азаматтар сенімдері.
Ақ қарым жауып жатыр береке боп,
Табиғаттың еліме берері көп.
Жыл басы қунышпен келе берсін,
Жаратқанның пендеге берері көп.
Жаңа жыл, бар жақсылық ала келсін,
От басына бақыт құс қона берсін.
Ескі жыл есіркеді өкпеміз жоқ,
Қимайтындай жыл болып қала берсін.
Жаңа жыл, жақсылыққа толы болсын,
Жылан жыл отбасына бақ боп қонсын.
Жаратқан несібесін мол ғып беріп,
Әр қазақтың табысы шексіз болсын!!
Құрманбекова.
Тұрсынкүл.
29.12.2024жыл.
Әлеуметтік желілерде бөлісіңіз:
Facebook | VK | WhatsApp | Telegram | Twitter