Шығармалар ✍️

Жақсыменен дос болсаң, Айырылмас күні қос болсаң, Басыңа қиын іс түссе, Алдыңнан шығар өбектеп, Жаныңа не керек деп. Жаман менен дос болсаң, Айырылмас күні қос болсаң, Басыңа қиын іс түссе,

Басқа кетер бөлектеп, Қолдан берер есеп дер. Сыртыңнан жүрер өсектеп.

Қыран құстың баласы Ұшса, келмес ұяға. Асыл ердің баласы Жауды көрсе шыдамай, Көзін салар қияға.

Бұл дүниенің жүзінде Айдан ару нәрсе жоқ – Түнде бар да, күндіз жоқ. Күннен ару нәрсе жоқ – Күндіз бар да, түнде жоқ. Көшпелі дәулет кімде жоқ – Бірде бар да, бірде жоқ.

Шын ажалың жетпесе, Ажалдан бұрын өлмессің. Жалаңаш бар да, жауға ти.

Айырдан туған жампоз бар, Нарға жүгін салғысыз. Жаманнан туған жақсы бар, Адам айтса нанғысыз. Жақсыдан туған жаман бар, Күндердің күні болғанда, Жарамды бір теріге алғысыз.

Ат – жігіттің майданы, Қылыш – жанның дәрмені, Өлім – хақтың пәрмені. Атақты ермен бірге өлсе, Жігіттің болмас арманы. Өте шыққан қызыл гүл –

Бұл дүниенің жалғаны.

«Түсінік: Бұл дүниедегі көптеген істердің дұрыс-бұрысын жазған.