Өлеңдер ✍️

Демеу берген, кездерімде құлаған,
Аман болсын мен білетін сол адам.
Өміріне тек жақсылық бере көр,
Аллам сенен шын жүректен сұранам.

Кездерімде тағдыр мені сынаған,
Алаң болып жағдайымды сұраған.
Уа, тәңірім, ұзақ ғұмыр бере гөр,
Аман болсын, мен білетін сол адам.

Мейлі мені, жақтырмасын, сол адам
Өкінбеймін,оны ренжіп, сынаман,
Көңілденем бұл әлемде барына,
Сау саламат жүрсе, болды дін аман.

Болған менен өмір жолы бұралаң,
Кездестірген тағдырыма қуанам.
Өзім емес, қиналамын ол үшін,
Аман болсын мен білетін сол адам.