Өлеңдер ✍️

Туған жерім, Түркістаным тұраным!
Жігер берер, рух берер ұраным.
Сенен ұзап, мен алыстап кетсем де,
Саған ғана арналады жыр - әнім!

Түркістаным, ыстық маған есімің,
Тағдыр маған, сенен берген несібін.
Әкем мені алақанда аялап,
Анам сенде әлдилеген бесігін.

Түркістаным, жерің сенің киелі.
Зияраттап, түркі жұрты сүйеді.
Тағдыр бізге сені екінші мекке деп,
Бір Алланың, бізге тартқан сыйы еді.

Тарихыңды талай ғасыр сақтаған,
Түркістаным, мен өзіңмен мақтанам!
Бізге қалған ата- баба мұрасы,
Аспаныңда қалықтасын асқақ ән!

Туған жерім, бақытымсың сен менің,
Сенен сұлу қала сірә көрмедім.
Яссауиді жер әлемге танытқан,
Бағалайық Әмір Темір еңбегін.

Сенің қадір қасиетіңді білдікпе?
Түсінбедік мына күйбең тірлікте,
Мавзолейі, Яссауидің көк тіреп,
Түркі әлемін шақырады бірлікке.