Шығармалар ✍️

Павлодар қаласының экономикасы мен өнеркәсібі дамыған еліміздегі бай қалалардың бірі болып табылады. Алдымен экономикасы жайлы сандық көрсеткіштерге бет бұрар болсақ:
«Павлодарда 8 жүйе құраушы кәсіпорын жұмыс істейді: «Қазақстаналюминий» АҚ, «Қазақстан электролиз зауыты» АҚ, «Павлодар мұнай-химия зауыты» ЖШС, «ПавлодарЭнерго» АҚ, «Қазэнергокабель» АҚ, «Каустик» АҚ (химия зауыты), «KSP Steel» ЖШС ПФ, «Кастинг» ЖШС ПФ. Сондай-ақ, экспортқа бағдарланған болат және жіксіз құбырлар шығаратын металлургиялық кәсіпорындар, мұнай өңдеу, кокс шығару, электр, электрондық және оптикалық жабдықтар өндіру жөніндегі кәсіпорындар, өңдеу өнеркәсібі кәсіпорындары жұмыс істейді» Сонымен қатар, «Қаланың солтүстік бөлігінде инвестициялық жобаларды дамыту үшін «Павлодар» АЭА инфрақұрылымының толық кешені бар қазіргі заманғы инвестициялық алаң құрылды» деседі ғаламтор беттеріне үңілер болсақ. Мұның өзі қалада қаншама кәсіптердің тоқтамай қарқынды түрде жұмыс жасап жатқандығын көрсетеді. Ал өнеркәсібі тіптен жақсы дамыған Павлодар қаласы расында да бай өлке болып табылады. Соңғы жылдары қалаға қазақ жастарын тарту мақсатында жас отбасыларды қолдап, үй беріп, жер беріп, жастарға жұмыс беруде. Мұның өзі Павлодар қаласының болашағынның зор екендігін көрсетіп жатқандай.
«Павлодардың қазіргі өнеркәсібінің қалыптасуына шетелдік және республикалық маңызы бар машина жасау мен металл өңдеу, түсті металлургия, мұнай өңдеу, химия өнеркәсібі, энергетика, құрылыс материалдары салалары күшті ықпал етуде. Өнеркәсіп кәсіпорындары тиісінше бірнеше акционерлік қоғамдар мен серіктестіктерге біріккен. Электр қуатын өндіру саласында құрамында Екібастұз көміріне негізделген қуатты 3 ЖЭС және ЖЭО жұмыс істейді» делінген ғаламторлық ақпаратқа сүйенер болсақ Павлодар қаласының расында да бай өлке атануы бек мүмкін. Өйткені, қалада жұмыс бар, қарқынды жұмыстар жасалуда. Еліміздің жас отбасыларын қалаға орналастырып, жұмыс беруде. Бұл дегеніміз Павлодар қаласында қазақ отбасыларын көбейту емес пе?!