Өлеңдер ✍️
Өлеңдер ✍️
16.08.2024
89
СІЗ БІЛЕСІЗ БЕ?
Күйреп тұрсам да күлетінімді,
Күлімдеп тұрып күйінетінімді,
Жімле ғаламға паш етсем деймін,
Ғұмырда шексіз сүйетінімді.
Сіз білесіз бе?
Тынық түнде де жабығатынымды,
Мұңымнан алқа тағынатынымды,
Сығымдап жасын қарашығымның,
Әлі де талай сағынатынымды
Сіз білесіз бе?
Жаныма мүлде келмейтініңді,
Жоқтығыңа еш сенбейтінімді,
Жек көре тұра тағдырды мына,
Әлі де талай іздейтінімді
Сіз білесіз бе?
Шытырман ойға шырмалатынымды,
Өзің деп қана жыр жазатынымды,
Өзге жан түгіл өзімнен кейде
Өлердей сізді қызғанатынымды
Сіз білесіз бе?
17.11.2020
Әлеуметтік желілерде бөлісіңіз:
Facebook | VK | WhatsApp | Telegram | Twitter