Өлеңдер ✍️
Өлеңдер ✍️
16.08.2024
38
НӘПСІҢМЕН КҮРЕС!
Шығады есің, Кіреді бір ес,
Ақылға бойың бағынбай жүр еш.
Кеудеңнен шықпай тұрғанда жаның,
Нәпсіңмен күрес,
Нәпсіңмен күрес!
Алдыңда талай тұрады белес,
Бұл өмір – өзен,
Бір ағын.
Елес.
Кеш болмай тұрып,
Құлшылық жаса,
Қара жер мәңгі тұрағың емес.
Адамдық жолға қосатын үлес,
Ұлылар керуен-көшіне ілес.
Өмірің қор боп өтпесін десең,
Нәпсіңмен күрес,
Нәпсіңмен күрес!
Жаныңа бекер жинама құр өш,
Бұл өмір – тартыс,
Һәм теке тірес.
Шайтанға әскер болғың келмесе,
Нәпсіңмен күрес,
Нәпсіңмен күрес!
Әлеуметтік желілерде бөлісіңіз:
Facebook | VK | WhatsApp | Telegram | Twitter