Тақпақтар ✍️

(Жеңіс күні мерекесін тойлауға қосымша пайдалану үшін)
Оқушы:
Бейбіт елдің түлегі біз,
Бейбітшілік – тілегіміз.
Жақсы оқысақ сабақты біз –
Білімдіміз, сауаттымыз.
Боламыз да жақсы маман,
Ел байлығын тасқындаған
Одан сайын арттырамыз,
Әрқашанда сақ тұрамыз.
Қалса біреу белдесіп сәт,
О, аталар, сіздерге ұқсап,
Сазайларын тарттырамыз.
Бейбіт елдің түлегіміз,
Бейбітшілік – тілеріміз.

Менің атам – майдангер
Оқушы:
Ерлеріне елжіреп,
Әр кез құшақ жайған ел.
Менің атам – ержүрек,
Менің атам – майдангер.
Көп-көп досын білемін,
Атам талай жыр еткен.
Барлығына
Жүремін
Аман-саулық
Тілеп мен.
Ордендері тізілген,
Келбеттері келісті
Аталардың жүзінен
Көрем ылғи жеңісті.

Бауыржан ата
Дұшпанға жасындай шүйілген
Ержүрек Бауыржан.
Есімін қастерлер бүгінде
Сүйсініп әрбір жан.
Бұл күнде көп жұрттың ұлының
Есімі – Бауыржан.
«Баукеңдей болса, – деп, – құлыным»,
Тілейді әрбір жан.