Тақпақтар ✍️

Мамыр келді қалаға,
Мамыр келді ауылға.
Мамыр келді далама,
Мамыр енді бауыма.
Мамыр келді гүл алып,
Түрлендірді маңайды.
Зеңгір көктен қуанып,
Күн күлімдеп қарайды.
Жадыратар жаныңды
Қуаныштан асқан не?
Қарсы алып мамырды,
Әнші құстар басты әнге.
Адамдардың барлығы
Құлпырады көктемдей.
Гүлдей жайнап әрбірі
Гүлге айналып кеткендей.
Бұлбұл қалай сайрамас,
Жайнап тұрса жер, аспан.
Ел-жұрт қалай жайнамас
Ынтымағы жарасқан.
Жөн болады сен дағы
Бұған үлес қосқаның.
Ынтымықтың мейрамы
Құтты болсын, достарым!