Тақпақтар ✍️

Отырмай мен демалып,
Сары аяз қысқанда,
Тысқа шықтым жем алып,
Шашайын деп құстарға.
Көгершіндер
Дәніме
Қонды келіп жағалай.
Ал қарғалар
Әріде
Ұшып жүрді жоламай.
Ешкімге жоқ залалы
Көгершіндер батыл-ау!
Болғаннан соң саналы
Адамдарға жақын-ау!
Қарға сынды дұшпанды
Кім саналы дейді екен?!
Олар ұсақ құстарды
Аулап ұстап жейді екен.
Ләззат тапқан зорлықтан
Қылмысты жан оңар ма?
Адамдарға сондықтан
Беті жоқ-ау жолауға.